अध्यक्षको सन्देश

 आदर मल्टि ईन्भेष्टमेन्ट कम्पनी लिमिटेडका सम्पुर्ण शेयरधनी, पसल बुकिङ्गकर्ता, लगानीकर्ता बैंक, निर्माण सामाग्री आपुर्ति कर्ता, निर्माण कम्पनी, परामर्शदाता तथा   कर्मचारीहरुमा हार्दिक अभिवादन व्यक्त गर्दछु । आदर ट्रेड मल निर्माण गर्ने हाम्रो सपना साकार पार्न समय सँगै बिभिन्न कुराहरुमा फेरबदल भए जस्तै हाम्रो जिम्मेवारीमा पनि   फेरबदल भएको छ । कम्पनीको आवस्यकता, देशको प्रचलित नियम कानुनको परिपालन, शेयरधनी तथा लगानी कर्ताको भावनाको कदर सहित हामीले देखेको सपना पुरा   गर्नका लागि आईपरेको जिम्मेवारी बहन गरिएको कुरा यहाँहरुको जानकारीका लागि अनुरोध गर्दछौं ।

 बिगत देखिनै कम्पनीले सामुहिकतामा एकताको भाव सहित कार्य गर्दै आएको हो । त्यसको निरन्तरताका लागि पात्रहरुको फेरबदल भन्दा महत्वपुर्ण निर्माण कार्यमा देखिने   परिणाम हुन्छ भन्ने कुरामा हामी सचेत छौं । कुनै बिशेष कारण भन्दा पनि कोभिड १९ महामारीको असरले बिश्वकै अर्थतन्त्रमा परेको प्रभावबाट हामी पनि अछुतो रहन सकेनौं ।   हाम्रो आफ्नै व्यापार व्यावसायको गति धिमा भैरहेको अवस्थामा हामीले आदर ट्रेडमलको निर्माण कार्यलाई निष्कर्षमा पुराउन आ आफ्नो ठाउँबाट बिशेष योगदान दिन जरुरी छ   । 

 हाम्रो जस्तो देशमा सामुहिक लगानीको नमुनाका रुपमा बन्न लागेको यस मलको निर्माण कार्यका लागि बिभिन्न समयमा बिभिन्न भुमिकामा रहनुभएका सम्पुर्ण व्यक्तित्वबाट   आगामी दिनमा प्राप्त हुने साथ, सल्लाह र सुझावको अपेक्षा सहित यहाँहरु सबैमा म सहित सञ्चालक समितिको तर्पmबाट हार्दिक धन्यवाद ज्ञापन गर्दछु ।

 यज्ञमूर्ति न्यौपाने
 अध्यक्ष